Accessibility links

Breaking News

Prezidan Obama ap Prezide Jounen Mondyal SIDA a


Prezidan Obama ap Prezide Jounen Mondyal SIDA a

Isit Ozetazini , Prezidan Barack Obama gen pou prezide yon gwo rasanbleman jodiya nan Washington, DC nan okazyon Jounen Mondyal SIDA a .

Nan yon deklarasyon ki soti madi 30 novanm 2010 la, Prezidan Obama pran anagajman pou l sipòte 33 milyon moun atravè lemond k ap viv avèk viris ki bay maladi SIDA a.

Prezidan an te tou pwofite renouvle efò gouvènman l lan ap deplwaye pou konbat maladi a e fè prevansyon pou viris VIH la pa gaye plis .

Nan jounen madi 30 novanm 2010 la, ajans Nasyonzini pou Timoun (UNICEF) pibliye yon rapò ki di genyen yon jenerasyon timoun ki kapab fèt san viris la si Kominote Entènasyonal la mete tout fòs li pou l pèmèt tout moun jwenn aksè ak prevansyon, tretman ak pwoteksyon sosyal.

Direktè egzekitif UNICEF la, Anthony Lake, di bon jan tès ak swen medikal pami yo medikaman « anti-retwoviral » kapab anpeche tout fanm ansent ki gen maladi a pase viris la bay ti bebe k ap fèt la.

XS
SM
MD
LG