Accessibility links

Prezidan Obama ap kontinye yon Toune nan Sant-West Lèzetazini kote L ap Bay Detay sou Plan Ekonomik li a

  • VOA Nouvèl

Prezidan ameriken an Barack Obama

Prezidan ameriken an, Barack Obama, ap kontinye yon vire-won nan otobis l ap fè nan sant-wès Lèzetazini. Objektif toune sa a se eksplike politik ekonomik administrasyon n nan, nan moman l ap defann gouvènman n nan kont kritik ki fè konprann li pa fè ase efò pou l relanse ekonomi an e poze pwoblèm gwo kantite chomè ki monte men wòtè nan peyi a. Sou dosye sa a, misye Obama di se kongrè a ki bloke efò l ap fè pou l bay ekonomi an jarèt.

Misye Obama di:

“Sèl bagay ki bloke nou, se politik nou. Sèl bagay ki anpeche nou adopte lejislasyon mwen fèk detaye pou nou la a, se le fèt ke kèk segman nan Kongrè a refize fè peyi pase anvan pati politik. E bagay sa a fèt pou l sispann. Ekonomi nou an pa kapab sipòte yon bagay konsa."

Toune sa a te mennen Prezidan Obama nan Eta Iowa kote li patisipe, madi 16 out 2011 la, nan kèk deba ki dewoule sou prezidans minis agrikilti a, Tom Vilsack. Tèm deba sa yo sete : Inovasyon nan sektè agrikòl la ak travay leta federal ka kreye nan rejyon riral yo nan domèn enèji renouvlab la.

XS
SM
MD
LG