Accessibility links

Breaking News

Prezidan Obama ap Anvizaje Nonmen yon Nouvo Anbasadè nan Venezuela


Sekrretè Deta ameriken an Hillary Clinton, Prezidan venezuelyen an Hugo Chavez, adwat, Prezidan Colonbyen an Juan Manuel Santos,agoch, ak prezidan chilyen an Sebastian Pinera nan inogirasyon prezidansyèl prezidan brezilyen an Dilma Rousseff

Gouvènman Prezidan Barack Obama a anonse gen posibilite pou li nonmen yon nouvo anbasadè nan peyi Venezuela apre Caracas te rejte chwa Larry Palmer la. Pòtpawòl Depatman Deta ameriken an, J. Crowley, di jounalis Lèzetazini kwè li enpòtan pou l genyen yon anbasadè an pòs nan Caracas . Mesye Crowley ajoute, Washington regrèt ke gouvènman Prezidan Hugo Chavez la pat aksepte chwa Larry Palmer a pou pòs la.

Nan fen ane 2010 la , Washington te anile viza dantre anbasadè venezuelyen an kòm reyaksyon apre Caracas te rejte chwa Palmer la. Apre desizyon Washington nan, Depatman Deta a te presize, Lèzetazini te pran “ yon aksyon apwopriye, pwopòsyonèl e kif-kif." Mesye Crowley pale konsa lendi 3 janvye 2011 la a, 2 jou apre prezidan venezuelyen an ,Hugo Chavez ak Sekretè Deta ameriken an, Hillary Clinton, te rankontre pou yon ti tan, nan moman yon chire-pit lakoz 2 peyi yo pa gen anbasadè ni nan Washington, ni nan Caracas.

Prezidan Chavez te salye Sekretè-Deta Clinton pandan yon ti tan samdi nan peyi Brezil kote yo t al asiste seremoni prestasyon sèman Dilma Rousseff kòm premye fi ki okipe pòs prezidan nan peyi sid ameriken an.

XS
SM
MD
LG