Accessibility links

Breaking News

Prezidan Obama : « Lè Ap Fin Pase Pou nou Jwenn yon Antant sou Dèt Nasyonal la »


Prezidan ameriken an Barack Obama

Prezidan ameriken an, Barack Obama, lanse apèl bay tout manm kongrè a san distenksyon (sètadi demokrat kou repibliken) pou yo sèvi ak jounen mèkredi 20 jiyè 2011 la pou yo kontinye chache yon konpwomi a la dènye minit sou nivo plafon dèt gouvènman federal la. Pandan misye Obama t ap abòde dosye a madi, li di lè pou La Mezon Blanch ak Kongrè a rive jwenn yon akò sou nivo dèt la prèske fin pase.

“Nou pa genyen tan ankò pou n nan fè jès senbolik ; nou pa gen tan ankò pou n nan fè fanfawonad. Lè a rive pou n fè travay nou e chache rezoud pwoblèm sa a; mwen panse sa n ap fè kounyela a, se chache yon konpwomi sou sa ki nesesè pou nou jwenn solisyon an. »

Nan kad rechèch solisyon Prezidan Obama swete a, Chanm dè Reprezantan an apwouve madi yon rezolisyon ki bay gouvènman an otorizasyon pou l ogmante dèt nasyonal la ; men depite yo poze yon kondisyon : se pou Leta federal koupe plis pase 100 milya dola nan bidjè nasyonal Lèzetazini pou ane pwochèn nan. Se 5 demokrat sèlman ki vote pou rezolisyon sa a ki pa gen okenn chans pou l pase nan Sena a.

XS
SM
MD
LG