Prezidan Nijeryan an Goodluck Jonhathan lanse apèl pou mete fen nan vyolans ki eklate nan nò peyi kote mizilman yo an majorite.
Vyolans eklate apre enstitisyon elektoral la anonse l kòm venkè eleksyon prezidansyèl yo nan yon diskou msye Jonathan pwononse byenta yè swa li mande pou gen inite nasyonal pandan li fè konnen anbisyon politik pèsonn pa vo san sitwayen nijeryan yo.
Selon la kwa Wouj anpil moun blese e plizyè milye lòt al chache refij lòt kote lendi 18 avril 2011 la nan moman vyolans yo eklate nan nò peyi pou pwoteste kont rezilta yo.