Accessibility links

Prezidan Martelly Vizite Sit Konstriksyon Vilaj Sant Carter Ap Bati Léogâne nan

  • Serge Michel

Ansyen Prezidan Jimmy Carter adwat ak madanm li Rosalynn pandan yon vizit yo nan Leogane (AP Photo/Ramon Espinosa)

Prezidan Michel Martelly vizite sit konstriksyon nouvo vilaj Jimmy and Rosalynn Carter Work Project ak Habitat Pour l'Humanité—2 òganizasyon karitatif patnè---ap konstwi depi lendi nan rejyon Santo, toupre Léogâne pou viktim tranblemanntè 12 janvye 2010 la.

Ansyen Prezidan Etazini, Jimmy Carter, madanm li, Rosalynn ak 500 volontè ap patisipe nan konstriksyon 500 kay pou sinistre nan katastwòf la nan rejyon sa a.

Misye Martelly remèsye misye Carter pou wòl lidè l ap jwe nan pwojè a e pou volonte li manifeste pou l chanje lavi moun ann Ayiti e atravè lemond.

Prezidan ayisyen an di Ayiti bezwen rebati tou enfranstrikti l yo: tankou lopital, sant sante, wout ak ayewopò. Men li ajoute « sa peyi a bezwen sitou se envestisman ak djòb pèmanan » pou popilasyon an.

Ansyen Prezidan Jimmy Carter di : "Lè yo te konstate valè dega goudougoudou 12 janvye a, yo te deside pase alaksyon e yo genyen pi plis detèminasyon jounen jodi a pou ede ayisyen yo rebati Kominote yo."

Nan premye faz pwojè a, Sant Carter ak Habitat Pour l'Humanité ap bati 100 kay pou yon santèn fanmi.

XS
SM
MD
LG