Accessibility links

Breaking News

Prezidan Etazini Joe Biden Nome Anbasadè Ameriken nan Pòtoprens Michele Sison pou yon Pòs Nan Depatman deta


Anbasadè Etazini Nan Haiti, Michele Sison

Prezidan Biden chwazi anbasadè Sison pou pozisyon sou-sekretè deta pou afè òganizasyon entènasyonal.

Madam Sison, se yon Anbasadè de karyè, ran ki pi elve nan Sèvis diplomtik ameriken an a letranje. Anbasadè Sison reprezante Etazini nan Pòtoprens depi ane 2018. Li se yon diplomat ki jwenn respè nan Pòtoprens, kote li te pale fran sou gouvènans demokratik, règleman lalwa, ak respè pou dwa moun.

Par ekzanp, nan yon entèvyou eksklizif Anbasadè Sison te bay Jounalis Jean Robert Philippe nan sèvis Kreyòl Lavwadlamerik la nan mwa fevriye pase, li te di, nap site:

"Nou gen gro enkyetid pou nenpòt aksyon ki riske minen enstitisyon demokratik yo ann Ayiti. Fen sitasyon."

Anvan Anbasadè Sison te jwenn nominasyon l kòm chèf misyon diplomatik Etazini nan kapital Ayiti a, li te trvay kòm reprezantan adjwen Etazini nan LONU avèk ran Anbasadè ant 2014 ak 2018.

Nan Depatman Deta, Anbasadè Sison te okipe pòs sou-sekretè deta adwen prensipal pou afè azid di Sid. Li te resevwa plizyè pri distenksyon.

Sena Etazini an dwe konfime chwa Anbasadè Michele Sison kòm sou-sekretè deta pou òganizasyon entènasyonal anvan nominasyon an vinn efektif.

XS
SM
MD
LG