Accessibility links

Prezidan Barack Obama Tanmen yon Toune 3 Jou nan Sid Lèzetazini

  • VOA Nouvèl

Prezidan Barack Obama Tanmen yon Toune 3 Jou nan Sid Lèzetazini

Prezidan Barack Obama komanse yon toune 3 jou nan Eta Kawolin Dinò ak Vijini. Tankou li te fè sa nan Eta Iowa, Minnesota ak Ilinwa nan kòmansman ane sa a, lidè ameriken an ap itilize virewon an pou li mete presyon sou òm politik repibliken yo ak lidè pati a ki, dapre li, ap eseye bloke efò lap fè pou l jwenn yon antant sou kesyon kreyasyon djòb ak lòd nan asyèt fiskal Lèzetazini an.

Prezidan Obama itilize premye eskal li nan ayewopò rejyonal vil Ashville, nan eta Kawolinn Dinò, kote pis aterisaj la merite repare, pou l mete aksan sou enpòtans yon pwojè-lwa sou kreyasyon travay nan peyi a.

La, li pase Repibliken yo nan betiz lè li di mesye-dam sa yo pa kapab konprann plan kreyasyon travay li a.

Prezidan Obama di:

“Nou pral ba yo yon lòt chans ankò pou yo fè travay yo. E pou sa, yo dwe bay travayè yo sekrite nan travay. Alòs, semèn sa a map mande manm Kongrè a pou yo vote. Sa nou pral fè, se divize pwojè-lwa sou travay la an plizyè pati diferan, paske sanble yo pa kapab konprann tout dokiman an lè yap analize li yon sèl kou. Kidonk, nou pral divize li an plizyè ti pati pou yo kapab konprann li."

Prezidan ameriken an di Sena a, ki anba kontwòl Pati Demokrat la, pral etidye separeman kèk pati nan pwojè-lwa sou kreyasyon djòb la ; palmantè yo pral kòmanse ak pati ki mande pou gouvènman an ofri plis travay pou pwofesè lekòl, polisye ak sapè ponpye.

XS
SM
MD
LG