Accessibility links

Premye Minis Berlusconi Anonse Itali Pral Diminye Patisipasyon n nan Kowalisyon l’OTAN Kont Libi a

  • VOA Nouvèl

Silvio Berlusconi

Premye minis italyen an, Silvio Berlusconi, fè konnen li genyen dout seryezman sou entèvansyon l’OTAN nan Libi, nan moman gouvènman konsèvatè l la t ap anonse plan li genyen pou l diminye sou patisipasyon n nan misyon Alyans Atlantik la nan peyi nò-afriken an.

Misye Berlusconi pale pou l di:

“Si m pale franchman, m ap di mwen panse pi gwo presyon ki te fèt pou nou antre nan lagè kont Libi a te sòti bò kote yon peyi ewopeyen – bò kote yon gouvènman ewopeyen. Tankou tout moun konnen, mwen te kont desizyon sa a, men mwen te twouve m nan yon pozisyon kote m te oblije mache nan lojik la; non sèlman paske sete yon desizyon kominote entènasyonal la ki te baze sou yon rezolisyon Konsèy Sekirite Nasyonzini an, men tou akoz entèvansyon klè prezidan itlayen an, mete sou vòt palman an ki te baze sou rekòmandasyon yon komisyon nan Chanm Bas la ak yon komsiyon nan Sena a.”

Chèf gouvènman italyen an pale konsa pandan li anba gwo presyon pou peyi li sispann fè pati operasyon entènasyonal ki sou pye kont Libi a. Pandansetan, minis defans Italyen an, Ignazio La Russa, anonse yon pòt-avyon italyen ki rele Garibaldi pral kite zòn ki tou prè kòt Libi e yon bato ki pi piti pral ranplase l; konsa mil sòlda italyen pral kapab retounen nan peyi yo.

XS
SM
MD
LG