Accessibility links

Breaking News

Peyi ann Ewòp Diminye oswa Elimine Restriksyon Kont COVID-19 la


L'entrée de l'hôpital universitaire d'Aarhus à Aarhus, au Danemark, le 27 Janvier 2016. EPA / HENNING BAGGER

Nan moman plizye peyi ann Ewòp diminye oubyen elimine restriksyon kont COVID-19 yo nèt, Oganizasyon Mondyal Lasante ap ankouraje moun pran prekosyon pandan Koronavirus la pako disparèt.

Dànmark leve pifò nan restriksyon kont COVID-19 li te enpoze yo madi 2 fevriye pase a, pami yo utilizasyon mask nan lye publik yo oubyen prèv vaksinasyon pou antre nan menm lye publik yo, nan moman otorite gouvenman yo di yo pa konsidere COVID-19 la kom yon maladi ki sitou sosyal. La Frans, Grand’Bretay ak lot peyi ewopeyen yo ap fè menm jan.

Nan yon konferans pou laprès madi 2 fevriye pase a, nan katye jeneral la nan Jenèv, direkte jeneral Oms la Tedros Adhanom Ghebreyesus di li twò bonè pou nenpot peyi swa sispann goumen oubyen deklare viktwa sou pandemi an.

Tedros di akoz varyan Omicron virus ki bay COVID-19 la , li rete atrapan anpil e l-ap touye moun. Li ajoute ke nan 10 semèn depi yo te idantifye varyan Omicron nan, yo rapote preske 90 milyon ka, plis pase kantite ka yo te anrejistre pandan tout ane 2020 an. E li di Oganizayon Mondyal Lasante komanse wè yon ogmantasyon nan ka lanmò ki bay kè sote nan pifò rejyon nan mond lan.

Nan menm konferans pou laprès la, alatèt OMS Covid Maria Van Kerkhove ankouraje peyi yo pou yo pran prekosyon, nan leve restriksyon yo doudenkou. Li konseye pou yo fè sa plis ofiramezi paske kantite ka omicron yo kontinye ap ogmante toujou nan anpil peyi e li di gen lot kote pousantaj vaksinasyon an ba espesyalman pami polilasyon ki pa gen anpil resous yo.

XS
SM
MD
LG