Accessibility links

Breaking News

Plizyè Milye Moun Pwoteste kont Monte Pri Gaz la an Frans


Moun ki t ap pwoteste nan vl Pari, an Frans, kont ogmantasyon pri gaz la -sitou pri dizèl la- samdi 24 novanm 2018 la. (Foto REUTERS/Benoit Tessier).-

Nan Peyi Lafrans, lapolis tonbe nan lese-frape avèk manifestan ki t ap pwoteste atravè tout peyi a pou yo denonse desizyon gouvènman Macron an pran pou l ogmante pri gaz la. Manifetsan yo rete tèt yo "chanday jonn"; pou yo montre sa, yo mete yon chanday koulè jonn sou yo pandan pwotestasyon an.

Minis Enteryè fransè a, Christophe Castaner, deklare se plis pase 100 mil moun ki te pran lari nan wikenn nan sou tout etandi tèritwa nasyonal la pou yo pwoteste kont ogmantasyon pri gaz la; pami yo gen 8 mil ki t ap kase-detrui, kraze-brize sou Boulva Chan Zelize a samdi 24 novanm 2018 la. Daprè Minis Castaner, 130 moun tonbe anba men lapolis atravè tout peyi a.

Lapolis nan vil Pari te sèvi ak gaz lakrimojèn e ak kanon-dlo pou yo kwape manifestan yo ki te enstale barikad tout kote sou Boulva Chan Zelize a epi yo te kraze kab-kouran ki te pemèt limyè trafik yo fonksyone. Obsèvatè yo konpare sitiyasyon k ap devlope la a an Frans avèk emet ki te debouche sou gwo mouvman dezobeyisans sivil ak leve-kanpe popilè ane 1968 la.

Manifestan yo (ki rele tèt yo "levit jòn) pote nan men yo yon imaj prezidan fransè a, Emmanuel Macron. Yo ekri sou imaj la "Diktatur," mo alman ki vle di "diktati". (Pari, Frans, 17 nov. 2018).
Manifestan yo (ki rele tèt yo "levit jòn) pote nan men yo yon imaj prezidan fransè a, Emmanuel Macron. Yo ekri sou imaj la "Diktatur," mo alman ki vle di "diktati". (Pari, Frans, 17 nov. 2018).

Nan yon mesaj Prezidan Emmanuel Macron pibliye sou kont Twitter li nan kòmansman jounen dimanch 25 novanm nan, li deklare:

"Lawont pou tout sila yo ki atake lapolis. Lawont pou tout sila yo ki te egzèse vyolans kont lòt sitwayen. Pa gen plas pou kalte vyolans konsa nan repiblik la."

Ajans France-Press di manifestan yo te jwenn mwayen chavire kèk gerit kote chofè vèse kòb dwa-d-peyaj yo. Aksyon sa a te gen 2 konsekans: swa chofè yo te gen okasyon pase san peye yon santim; swa yo pran nan yon anbouteyaj moun pa wè souvan an Frans.

Objektif pwotestasyon sa yo se atire atansyon piblik la, sou plan nasyonal kou entènasyonal, sou pi gwo rezon-dèt mouvman leve-kanpe a, ki se refize manifestan yo refise aksepte desizyon gouvènman pou l monte taks sou pri gaz la, tou espesyalman sou pri dizèl la.

XS
SM
MD
LG