Accessibility links

Pakistan-Jistis: Premye Kondanasyon nan Pwosè Swadizan Asasen Ansyen Premye Minis Benazir Buttho

  • Ekip Sèvis Kreyòl VOA

Sipòtè lidè defen Beazir Bhutto yo kap patisipe nan yon seremoni nan Lahore nan memwa lidè yo yo te asasine nan lane 2007. (Foto: AP/K.M. Chaudary) 25 desanm 2017.

2 ajan lapolis resevwa yon santans 17 lane prizon poutèt yo pa t pwoteje ansyen Premye Minis Benazir Bhuto jou l te mouri anba bal asasen an 2007.

Nan peyi Pakistan, 2 ajan lapolis resevwa, jedi 31 out 2017 la, yon santans pou yo pase 17 lane nan prizon poutèt yo pa t pwoteje ansyen Premye Minis Benazir Bhuto jou l te mouri anba bal asasen nan lane 2007. Polisye sa yo se 2 premye moun ki jwenn kondanasyon nan ka asasinay Madan Bhutto a apre yon pwosè ki te dire preske yon dizèn lane.

Se Jeneral Pervez Musharraf ki te prezidan peyi a lè Benazir Bhutto te mouri anba bal asasen an apre misye te pran pouvwa nan yon kou deta militè ki te fè anpil san koule an 1999. An 2013, Musharraf te tonbe anba akizasyon deske li koupab nan asasinay Madam Bhutto a –yon akizasyon li pa sispann demanti. Pami lòt akizasyon li gen pou l reponn yo, genyen sila ki repwoche l deske li ta komèt trayizon.

XS
SM
MD
LG