Accessibility links

Breaking News

Ouattara Mande Boykòte Kakao Ivwaryen an


Ouattara Mande Boykòte Kakao Ivwaryen an

Lèzetazini apiye yon mwa sispansyon ekspòtasyon kakao k ap sòti peyi Kotdivwa ( jan ansyen premye minis e venkè eleksyon konteste 28 novanm yo (selon Nasyonzini) Alassane Ouattara mande’l la.

Washington di tou li apiye apèl kominote entènasyonal la ki mande rekonèt Misye Ouattara kòm lidè peyi Kotdivwa. Yon pòtpawòl Depatman Deta di se yon estrateji pou fòse aktyèl prezidan an, Laurent Gbagbo, remèt pouvwa a e kite Misye Ouattara pran gouvènay peyi a.

Gouvènman sòtan Laurent Gbagbo a deklare Misye Alassane Ouattara pa genyen otorite sou ekspòtasyon kakao a e apèl pou mande yon entèdiksyon enpòtasyon pwodui a pa pral afekte pwodiksyon nasyonal la.

Nan yon rankont ak negosyan k ap vann kakao yo, prezidan kowoperativ kakao Kotdivwa la, Gilbert Ano, di mezi sa a pa pral deraye pwodiksyon an.

Misye Ano deklare “Kotdivwa deja genyen yon prezidan eli, ki prete sèman e ki fòme yon gouvènman. Gouvènman sa a ap travay. Kidonk, pèson pa ka ekri kooperativ la pou di li sa l dwe fè.”

Ano ajoute si peyi ekspòtatè yo aksepte demann entèdiksyon Misye Ouattara a kapab koute ekspòtatè yo chè.

XS
SM
MD
LG