Ozetazini, administrasyon Obama a anonse li pral rekonsidere ka plis pase 300 mil imigran ilegal k ap fè fas ak depòtasyon pou konnen si yo kapab rete nan peyi a.
Nan yon lèt minis Sekirite Teritoryal la, Janet Napolitano, voye bay yon gwoup palmantè, li fè konnen responsab yo pral rekonsidere chak ka youn pa youn pou yo idantifye imigran ki pa gen gwo akizasyon k ap peze do yo ---pami moun sa yo genyen k ap viv Ozetazini depi lontan.
Sa pral pèmèt Depatman Sekirite Teritoryal la konsantre atansyon n sou depòtasyon imigran ilegal ki kondane pou zak kriminèl ak sila yo ki reprezante yon danje pou sekirite piblik.