Accessibility links

Breaking News

Oganizasyon Panamerikèn Lasante Fè Chita-Pale Sou Ayiti


Nan Washington, responsab Oganizasyon Panamerikèn Lasante (OPS) pale de dispozisyon yo pran pou yo ede Ayiti nan moman l ap fè fas ak kolera epi tanpèt Tomas ap pwoche sou peyi a. Nan yon chita tande responsab sa yo fè nan katye jeneral OPS la nan Washington madi 2 novanm 2010 la, yo pale de kowoperasyon ant òganizasyon an ak otorite lasante yo ann Ayiti pou fè fas ak epidemi kolera a ak menas tanpèt la sou Ayiti.

Direktè OPS la, Jon Andus, pale de aksyon òganizason an pran pou espesyalis li enplike dirèkteman sou teren an ann Ayiti nan lit pouy anpeche maladi a gaye.

Li fè konnen OPS genyen yon ekip sou plas ann Ayiti kote y ap vizite lopital, fè tès epi evalye sitiyasyon an nan zòn kote maladi a fè dega. Daprè òganizasyon an, kolera touye 337 moun ann Ayiti e mesye Andus di gen plis pase 4 mil 700 moun ki enfekte.

Jacquelin Belizaire ki te suiv chita tande a ap di nou plis.

Klike sou ikon ki anwo e adwat atik la pou w tande repòtaj Jacquelin Belizaire.

XS
SM
MD
LG