Nouvo komisè gouvènman Pòtoprens la, mèt Inel Torchon, pèdi djòb la san li pa gen tan enstale. Medya yo ann Ayiti rapòte se Asosyasyon Nasyonal Majistra Ayisyen yo (ANAMAH) ak Konsèy Siperyè Pouvwa Jidisyè a (CSPJ) padakò ak chwa mèt Torchon an ki ta pral ranplase ansyen komisè Eronce Villard.
Mèt Paul Eronce Villard te remèt demisyon li kòm komisè gouvènman Pòtoprens la paske li te refise apiye politk represyon gouvènman an ki gen fòs kote.
Kèlke jou avan, Mesye Villard te reprezante leta ayisyen devan komisyon dwa moun nan OEA a CIDH apre plizyè òganizasyon kap defann dwa moun ann Ayiti te made yon sesyon pou fòse gouvènman Lapin/Moise la reponn kesyon sou vyolasyon dwa moun ann Ayiti. Mèt Villard te refise aksepte pòs jij kou dapèl.