Accessibility links

Kore di Nò Anonse Lansman kèk Misil Balistik ki Pral Tonbe tou Prè Tèritwa Ameriken Gwam

  • Ekip Sèvis Kreyòl VOA

Yon nonm kap gade yon pwogram televizyon kote yap bay nouvèl sou pwovikasyon Kore di Nò ap fè pou l di li pral lanse yon misil ki pral tonbe tou pre Gwam, yon teritwa pasifik Etazini.

Anons lansman misiol sa yo se dènye nan yon seri pwovokasyon Kore di Nò fè nan kad yon lagè pawòl piman-bouk ant li menm avèk Lèzetazini.

Nan Kore di Nò, gouvènman an fè konnen lap mete dènye touch nan yon plan li genyen pou l lanse yon seri de 4 misil balistik sou yon pozisyon ki pa twò lwen ak teritwa ameriken Gwam. Se dènye nan yon seri pwovokasyon Kore di Nò fè nan kad yon lagè pawòl piman-bouk ant li menm avèk Lèzetazini.

Nan yon anons otorite yo nan Pyongyang pa abitye fè, yo deklare nan yon semèn konsa lidè nò-koreyen an, Kim Jong-Un, pral remèt lame yon plan pou li lanse misil Wasong-12 yo ki pral travèse teritwa peyi Japon pou yo al tonbe tou prè zile Gwam sou yon distans 3 mil 300 kilomèt o sid Kore di Nò.

Pandansetan, nan Kore di Sid Prezidan Moon Jae-In reyaji avèk tanperans devan monte tansyon an nan rejyon an nan moman obsèvatè yo ap pale de menas nikleyè Kore di Nò a ki pa sispann ranfòse –sitou aprè reyaksyon prezidan ameriken an, Donald Trump, ki pwomèt yon repons militè ki ta kapab toupizi Kore di Nò.

Plan datak Kore di Nò sou zile Gwam nan.
Plan datak Kore di Nò sou zile Gwam nan.

Jedi 10 out 2017 la, lame popilè Kore di Nò a pibliye plis detay sou plan li genyen pou li lanse misil balistik nan zòn kote zile Gwam ye nan Oseyan Pasifik la. Dapre Ajans Nouvèl ofisyèl nò-koreyen an, KCNA, misil sa yo pral tonbe sou yon distans 30 a 40 kilomèt ak Gwam, ki se yon tèritwa ameriken.

XS
SM
MD
LG