Accessibility links

Breaking News

NAZA Aplodi Efò Ki Fèt Pou Ede Travayè Chilyen yo


NAZA Aplodi Efò Ki Fèt Pou Ede Travayè Chilyen yo

Nan peyi Chili, ekspè ameriken NAZA di yo enpresyone devan efò ki deplwaye pou evakie 33 travayè minn ki bloke depi plis pase yon mwa nan yon bafon anbatè.

Ekip Ajans Spasyal ameriken an pibliye yon dokiman madi 7 septanm 2010 la apre yon visit plizyè jou nan peyi Chili kote yo te vinn evalye efò pou sove travayè minn yo ki bloke a.

Responsab yo panse ak yon pwosesis reyabilitasyon pou minè yo lè yo soti anba tè e pou yo ede yo viv nouvo stati selebrite yo paske ak ensidan sa a 33 mesye sa yo tounen gwo vedèt .

Ofisyèl NAZA yo siyale pandan pwosesis evakyasyon an ap dewoule , li enpòtan pou pou mine ki anba tè yo rete òganize e kenbe yon woutinn yon fason pou sitiasyon an genyen yon aspè nòmal.

Responsab chilyen yo sa ka pran plis pase 4 mwa anvan pou yo rive retire mesye-yo nan kav sa-a ki a 700 mèt anba tè-a nan minn lò ak kuiv sa-a.

XS
SM
MD
LG