Accessibility links

Breaking News

Ayisyen Pran Lari ankò Dimanch 21 Fevriye a pou di Aba Diktati e Mande Demisyon Prezidan Moise


Lapolis te sèvi ak gaz lakrimojèn pou gaye foul ki t ap eseye mete dife nan yon lokal sou Channmas la.

Men yon repòtaj korespondan nou Matiado Vilmé reyalize sou manifestasyon anti-gouvènmantal ki dewoule, nan jounen dimanch 21 fevriye 2021 an -swa pou yon 2èm dimanch youn aprè lòt- nan Pòtoprens, kapital Ayiti a. Objektif la sete denonse diktati epi egzije Prezidan Jovenel Moise bay demisyon li.

POTOPRENS, AYITI.- Yon branch nan manifestasyon an, ki te gen nan tèt li “rapper” Jean-Léonard Tout-Puissant, alyas Izolan, te demare nan Rue Saint Nicholas, nan Pòtoprens, pou al rakontre ak yon lòt branch ki te rasanble nan Kafou Ayewopò, ki rele tou Kafou Rezistans. Manfestan yo pa t rive kouvri pakou yo te prevwa a akoz fòs de lòd yo te bare wout ki te pou mennen yo Petyonvil an pasan pa Delma 32.

Pinga sa a, entèdiksyon sa a te eksite kèk nan manifestan yo ki te pran voye kout wòch ak kout boutèy sou polisye ki te monte gad nan zòn nan. Devan aksyon sa a, fòs de lòd yo te replike ak kout gaz lakrimojen pou yo te gaye foul la ki t ap eseye pran direksyon Petyonvil. Sa ta pral fòse kèk nan manifestan yo pran direksyon Channmas; e lè yo te rive a destinasyon, yo mete dife nan anpil kawoutyou epi yo tante boule yon lokal ki kole ak Plas Ewo Endepandans la. Pou yo pa t rive fèt, lapolis sèvi ak bal an kawoutyou e ak bal reyèl pou dispèse moun ki te pi chofe nan foul la e ki te gen entansyon boule espas la rapyete. Nou pa rive konstate ni mo, ni blese, ni arestasyon.

Militan Rhony Timothé, Pwofesè Josué Mérilien ak Pastè Gérald Bataille se kèk nan pèsonalite ki te akonpaye manifestan yo pandan mouvman pwotestasyon sa a ki dewoule dimanch 21 fevriye 2021 la.

Men yon koutdèy sou manifestasyon dimanch 21 fevriye 2021 an nan Pòtoprens:

Koudèy sou manifestasyon dimanch 21 fevriye 2021 an nan Pòtoprens.
please wait

No media source currently available

0:00 0:00:31 0:00

Jean-Léonard Tout-Puissant, alyas "Izolan", youn nan chef de fil manifestasyon an:

Jean-Léonard Tout-Puissant, alyas "Izolan", youn nan tèt de fil manifestasyon an.
please wait

No media source currently available

0:00 0:01:36 0:00

XS
SM
MD
LG