Accessibility links

Breaking News

Dwa Refijye Politik - Diferan Entèpretasyon ant Washington avèk l'ONU


Migran antre anndan yon kamyon pou yo kite Gwatemala epi antre nan vil Niltepec, o Meksik, pandan karavàn imigran an te pran direksyon Lèzetazini nan dat 29 oktòb 2018 la.

Ozetazini, Pentagòn nan (oubyen Depatman Defans la) ap voye plis pase 5 mil solda al pran pozisyon sou fwontyè Etazini ak Meksik la pou anpeche plizyè milye imigran ki soti nan Amerik Santral la antre sou tèritwa ameriken an. Kèk obsèvatè k ap swiv mouvman migran yo sou fwontyè a depi lontan panse prezans militè sa a pa p anpeche imigran sa yo pase anba fil pou yo mande azil Ozetazini.

Kòmandan rejyon Nò Fòs Zame Lèzetazini yo, Jeneral Terrence O’Shaughnessy, di plis pase 5 mil sòlda ameriken pral estasyone sou fwontyè amerikano-meksiken an anvan fen semèn nan pou al kore travay plis pase 2 mil gad nasyonal pou anpeche plizyè milye imigran ki soti nan Amerik Santral la travèse fwontyè a epi antre sou tèritwa ameriken an. Brenda Gonzalez, moun Gwatemala, deja pare pou l mande azil politik Ozetazini.

Manm karavàn nan ki te kite Peyi Salvadò pou yo pran direksyon Lèzetazini. Sou foto sa a, yo te nan vil San Salvadò, nan Salvadò toujou. (Dat: 31 okt. 2018).
Manm karavàn nan ki te kite Peyi Salvadò pou yo pran direksyon Lèzetazini. Sou foto sa a, yo te nan vil San Salvadò, nan Salvadò toujou. (Dat: 31 okt. 2018).

<< Sa fè kèk tan m ap tann, depi 20 jou konsa e petèt yon mwa. Mwen pa kapab sonje egzakteman. Men Bondye bon. Mwen rankontre sou wout mwen divès bon moun ki ede m anpil-anpil.

Prezidan Donald Trump pa janm sispann di flo imigran sa yo, ki pran direksyon Etazini, reprezante yon envazyon nan peyi a. Lidè ameriken an di militè yo ap tann migran yo sou fwontyè a. Sepandan Misye Trump ajoute tout moun ki vle antre Ozetazini dwe itilize mwayen legal pou yo fè sa.

Ajans Nasyonzini pou Refijye yo di li fè gouvènman ameriken an konnen li dwe pèmèt moun k ap kouri pou pèsekisyon ak vyolans mande azil politik nan peyi a. Ajans lan anonse li mete otorite peyi ki sou pasaj karavàn o-kouran di fèt ke gen yon gwo posiblite pou deplasman sa a mete lavi kèk nan vwayajè yo an danje

Sekretè Jeneral Nasyonzini an, Antonio Guterres, ki t ap pale ak laprès sou kriz refijye ki te poze ann Ewòp sa pa gen lontan.
Sekretè Jeneral Nasyonzini an, Antonio Guterres, ki t ap pale ak laprès sou kriz refijye ki te poze ann Ewòp sa pa gen lontan.

Ministè Afè Enteryè Meksik la fè konnen, plis pase 1740 moun deja mande azil nan peyi a, pi presizeman nan vil Tapachula, nan eta Chiapas.

Jennifer MCCoy, yon pwofesè Syans Politik nan Georgia State University e ansyen direktris pwogram Sant Cater a pou Amerik yo, di Prezidan Trump fè imigrasyon ilegal tounen yon gwo sijè nan kanpay elektoral la anvan dewoulman eleksyon mi-manda 6 novanm nan. Dapre pwofesè a pi bon fason pou yo anpeche imigran sa yo fè vwayaj long sa a pou yo antre Ozetazini ilegalman, se pèmèt peyi dorijin yo jwenn asistans . Sa pa gen lontan prezidan Trump te lanse menas pou l di li pral koupe asistans plizyè peyi nan amerik santral la ap jwenn nan men Wsshington si otorite konsène yo pa rive anpeche chache antre sou tèritwwa ameriken an ilegalman.

XS
SM
MD
LG