Accessibility links

Tranblemandtè nan Eta Puebla, o Meksik. Bilan Pwovizwa: 119 Moun mouri e Anpil Kay Kraze

  • Ekip Sèvis Kreyòl VOA

Moun yo kap retire debri nan building ki tonbe yo pou yo pote sekou bay sila yo ki bezwen èd. Vil Meksik 19 septanm 2017 apre yon tranblemandtè 7.1 te frape vil la.

Soukous sa a mezire 7, 1. Li frape Meksik mwens ke 2 semèn apre yon lòt goudougoudou te touye plis pase 90 moun nan pati sid peyi a. Soukous madi a gen yon pwofondè 51 kilomèt; li rive yon ti kras aprè 1nè nan apremidi, lè lokal. Daprè premye nouvèl yo, gen 119 moun pou omwens ki mouri.

O Meksik yon gwo kokenn tanblemanntè ki mezire 7, 1 frape kapital la, Meksiko, madi 19 septanm 2017 la, ki se anivèsè yon gwo goudougoudou ki te souke vil la nan lane 1985 (li te mezire 8.0) e ki te koze lanmò preske 10 mil moun tandiske yon gwo pati nan Meksiko te detrui.

Sèvis Meteolojik Lèzetazini an fè konnen sant tanblemanntè a sitiye sou yon distans 5 kilomèt o nò lokalite Raboso, nan eta Puebla; distans sant la ak Meksiko se anviwon 123 kilomèt.

Laprès lokal rapòte anpil dega ak domaj, blackout ak dife ki pran anpil kote nan vil la. Otorite yo mete fen nan tout aktivite nan ayewopò entènasyonal la e yo fèmen lekòl.

Tranblemanntè sa a frape Meksik mwens ke 2 semèn apre yon lòt gwo soukous te touye plis pase 90 moun nan pati sid peyi a.

Gouvènè eta Puebla a, Tony Gali, ekri sou kont Twitter I pou l di nan vil Cholula gen anpil kay ki domaje epi kèk legliz sibi dega.

XS
SM
MD
LG