Accessibility links

Breaking News

Menas Inondasyon Fòse Plizyè Milye Moun Kouri Kite Bangkòk, Kapital Tayland


Dènye nouvèl yo fè konnen se pa milye moun ap kouri kite vil Bangkok, kote y ap eseye chape anba inondasyon kap anvayi vil la pwogresivman
Dènye nouvèl yo fè konnen se pa milye moun ap kouri kite vil Bangkok, kote y ap eseye chape anba inondasyon kap anvayi vil la pwogresivman

Sou kontinan azyatik la –pi presizeman nan peyi Tayland- Premye Minis Yingluck Shinawatra, fè konnen pèsonn pa kapab bloke sou wout li gwo kantite dlo inondasyon kap avanse sou kapital la, Bangkok ; daprè li, pi bon bagay la, se kite lanati fè kous li.

Premye Minis taylandè a di:

“Kriz nap konfwonte la a pat janm gen parèy li nan tout listwa Tayland. Alòs, mwen ta vle di tout moun pa genyen rezon pou n fè politik ak pwoblèm yon sitiyasyon konsa kreye.”

Dènye nouvèl yo fè konnen se pa milye moun ap kouri kite vil Bangkok, kote y ap eseye chape anba inondasyon kap anvayi vil la pwogresivman.

Moun ale pa bann e pa pakèt nan ayewopò entènasyonal vil la e nan estasyon bis yo, tandiske plizyè milye lòt ap eseye pati nan machinn.

Anpil ladan yo pran direksyon sid kote tè-a gen yon wòtè ki pi wo pase wotè kapital la.

XS
SM
MD
LG