Accessibility links

Breaking News

Meksik ap Akeyi Faz Final Eliminatwa Foutbòl Feminen an


Konpetisyon an ap dewoule nan Playa del Carmen soti 28 oktòb pou rive 8 Novanm ak patisipasyon Etazini, Ayiti, Gwatemala, Kosta Rika nan group B a epi gwoup A a kap jwe nan Cancun nou jwen Meksik, Kanada, Guyan ak Trinidad and Tobago.

2 premye yo ap kalifye pou faz final la epi peyi ki klase 3èm nan pral jwe yon match de baraj ale/retou ak peyi ki klase 5 kièm sou kontinan Ewopeyen an. Faz final la ap dewoule an Almay soti 26 jen pou rive 17 Jiyè 2011 ak patisipasyon 16 peyi.

Nouvèl ki soti nan Sao Paolo fè konnen otorite Brezilyen yo poko kòmanse travay pou repare ayeropò vil ki pral akeyi match koup dimond an 2014 malgre responsab yo di travay reparasyon yo ap fini avan debi konpetisyon an.

Responsab delegasyon FIFA a Chilyen Harold Maynes-Nicholls bat bravo pou preparatif konjwen la Oland ak Beljik fè pou akeyi koup dimond 2018 ou byen 2022 a. Delegasyon kwè preparatif yo byen prezante 8 tan avan debi konpetisyon an. Delegasyon an déjà vizite Japon, Kore di Sid ak Ostrali.

Delegasyon an gen pou vizite Etazini, Angletè, la Rusi, Katar ansanm ak Espay-Pòtigal 2 peyi ki ta renmen akeyi konpetisyon an ansanm.

XS
SM
MD
LG