Accessibility links

Breaking News

Manm Ekipaj Bato Ameriken USS Iwo Jima Tanmen yon Misyon Imanitè nan Vil Pòdepè ann Ayiti


Yon seremoni fèt lendi 26 jiyè 2010 la tou prè lekòl Collège Pierre la nan Saint-Louis di Nò nan kad lansman misyon « Continuing Promise 2010 la, » oubyen Pwomès k ap Kontinye an 2010 la.

Majistra kominal vil Pò de Pè a Salvador Guillet te asiste seremoni sa a ak plizyè lòt majistra nan rejyon nò peyi Dayiti. Pami lòt pèsonalite ki te prezan yo, te gen kòmandan misyon Kapitèn Tom Negus, minis konseye anbasad amerikèn nan ann Ayiti David Lindwall, pi gwo jeneral marin brezilyèn nan Paul Cruz e kòmandan misyon Nasyon Zini an te prezan nan okazyon an tou.

« Continuing Promise 2010 la, » oubyen Pwomès k ap Kontinye an 2010 la se non yon operasyon asistans sivik imanitè anyèl ki jwenn soutyen l nan men pèsonèl medikal militè ameriken e entènasyonal, òganizasyon gouvènmantal ameriken, ministè la santé , ONG ak inivèsite amerikèn yo.

Bato USS IWO JIMA pral ofri swen medikal, sèvis dantè, veterinè a kèk pwogram aksyon sivik ann Ayiti, nan Kolonbi, Costa Rica, Guatemala, Guyana, Panama ak Suriname.

Se 4èm fwa fòs amerikèn yo ap patisipe nan yon misyon pou kontinye yon pwomès yo te fè Ayiti.

Misyon sa a se prèv angajeman pèmanan Lèzetazini pran vizavi pèp ayisyen an. Non sèlman y ap kontinye kenbe misyon èd imanitè a, manm ekipaj USS IWO JIMA a ap sou plas pou yo pote konkou yo e lanse operasyon sekou, sizoka ta gen yon katastwòf natirèl nan rejyon an.

Anvwaye espesyal Lavwad Lamerik Jean Pierre Leroy te asiste seremoni sa a e lap ba nou yon ekstrè nan deklarasyon pèsonalite yo te fè nan okazyon an.

Klike sou ikòn MP3 ki anwo e adwat atik sa a pou w koute yon repòtaj Jean Pierre Leroy.

XS
SM
MD
LG