Accessibility links

Breaking News

Manifestasyon Kontinye nan Ejipt Kont Prezidan Mubarak


Foul manifestan yo nan ejipt madi 1er fevrye 2011 la

Plizyè dizèn milye moun rasanble madi 1er fevrye 2011 la nan sant vil Lekèr, kapital Lejipt, kote manifestan lanse apèl pou yo mande yon milyon moun pran lari pou yo fè presyon sou Prezidan Hosni Mubarack pou l kite pouvwa a.

Fòs militè pran pozisyon tou patou nan vil la, men yo pa deranje moun k ap rasanble pou manifestasyon an. Anvan sa, lame te fè yon anons kote li fè konnen li rekonèt dwa lejitim pèp ejipsyen an pou l fè demand l ap fè yo, e sòlda yo pwomèt pou yo pa ouvè kout-zam sou manifestan yo. Menm jou madi a, genyen yon lòt gwo manifestasyon ki planifye pou vil Alexandri, ki nan pati nò peyi a.

Yon vis-prezidan Misye Mubarack fèk nonmen, deklare prezidan an mande l kòmanse fè negosyasyon imedyatman avèk tout fos politik yo sou kesyon refòm ki pou fèt nan konstitisyon an e nan sistèm lejislatif la.

Non vis-prezidan sa a se Omara Suleiman ; e depi lontan misye se yon bon alye Prezidan Mubarak. Li pa presize kisa refòm sa yo pral ye, ni ki gwoup politik gouvènman an pral kontakte. Jounal ameriken Wall Street Journal rapòte pati opozisyon yo fè konnen yo pap patisipe nan pyès negosyasyon toutotan Prezidan Mubarak pa kite pouvwa a.

XS
SM
MD
LG