Accessibility links

Manifestasyon ap Kontinye Kont Gouvènman Ejypsyen an

  • Marie-Luce Pierre

Mohamed ElBaradei

Ann Ejypt, lapolis redeplwaye nan tout peyi a avèk lòd pou yo pa antre nan konfwontasyon avek okèn manifestan. Pandansetan, lame peyi Ejypt kontinye ap ogmante prezans li. Gen gwo prezans milité nan kapital ejypsyèn nan, vil Kèr avèk tank k ap siveye bank, bilding gouvènman an ak katye jeneral ministè enteryè a.

Yon rezidan di li panse ke manifestasyon yo ap kontinye pou de zou 3 jou e pita pral gen kalm ak estabilite, kounye a, lame a nan tout lari e yo trè pezib ak moun yo. Byen ta dimanch 30 janvye 2011 la, manifestan nan tout peyi a te defye kouvrefe gouvènman an te enpoze pou yon 3èm nuit pou mete presyon pou mande pou Prezidan Mubarak rache manyòk li aprè prèske 30 tan sou pouvwa a nan peyi Ejypt. Plis ke 100 moun mouri nan.

Revòlt la te kòmanse kòm yon mouvman spontane nan nivo lokal—li te kòmanse òganize seryezman dimanch lé pi gran gwoup opozisyon nan peyi a Fratènite Muzulman Hò Lalwa a te voye apwi li bay defansè demokrasi pi enfliyan nan peyi Ejyp, ansyen chèf nikleyè Nasyonzini, Mohamed ElBaradei.

Mesye ElBaradei deklare :" jan nou te mansyone anvan, nou gen yon demand esansyèl se Depa rejim sa a e nou pral kòmanse yon nouvèl faz, yon nouvo Ejypt kote chak ejypsyen pral viv nan libète ak diyite."

Yon kowalisyon opozisyon ki fèk fòme ki gen ladann mouveman islamis la mande Mesye El Baradei pou l fòme yon gouvènman Unite e pou l pran kontak ak lame ejypsyènn. Mesye Mubarak te bay nouvo kabinè li a lòd dimanch 30 janve 2011 la pou yo prezève sibvansyon, kontwole enflasyon e bay travay. Nan Yon lèt yo li sou televizyon leta a Prezidan Mubarak ensiste tou sou nesesite pou gen refòm politik gras a dyalòg avèk pati opozisyon yo nan peyi a.

XS
SM
MD
LG