Accessibility links

Breaking News

Maladi Kolera a Pran Lavi Prèske 5 Mil Moun ann Ayiti


Dr. Berlius Philogene

Yon panèl ekspè Nasyonzini deklare epidemi kolera a ann Ayiti pran lavi preske 5 mil moun akoz kontaminasyon Flèv Latibonit la ki pase toupre yon baz fòs mentyen lapè l’ONU yo.

Panèl ki t ap travay pou konnen orijin epidemi an pale de kondisyon sanitè nan baz sòlda nepalè yo pa nan nivo ki nesesè pou anpeche dechè ak matyè fekal al tonbe nan flèv la.

Sepandan panèl la rejte akizasyon ki tonbe sou do sòlda mentyen lapè yo, lè li di kòz epidemi kolera sa a, ki gen yon souch azyatik, se sa li rele yon “concours de circonstances”, men se pa fòt yon moun ni se pa yon aksyon kalkile yon gwoup moun.

Sekretè Jeneral l’ONU an Ban Ki-Moon pral gen pou l pase rapò sa a an revi e l ap gen pou l bay pozisyon li sou li.

Panèl la fè rekòmandasyon pou sòlda mentyen lapè ki pral nan rjyonm ki gen maladi kolera sibi tès medikal e resevwa vaksen. Ekspè yo mande pou yo trete matyè fekal yo ak pwodwi chimik yon fason pou anpeche maladi kolera a gaye.

Responsab lasante yo ann Ayiti kontinye sansibilize popilasyon an sou danje epidemi kolera a.

Yon korespondans Luckner Laguerre depi vil Jeremi.

Klike sou ikon ki anwo e adwat atik la pou w tande repòtaj Luckner Laguerre.

XS
SM
MD
LG