Accessibility links

Machedlabous yo Sibi yon Bès Lejè

  • VOA Nouvèl

Machedlabous yo Sibi yon Bès Lejè

Ozetazini e sou kontinan ewopeyen an, machedlabous yo sibi yon bès tou lejè mèkredi 10 out la akoz kè-sote moun genyen poutèt feblès ekonomi amerikèn nan ak pwoblèm dèt kèk peyi ewopeyen.

Yon lòt kote, atravè kontinan Azyatik la, mache yo fèmen tranzaksyon jounen jodi a sou yon nòt pozitif, kote yo repete bèl pèfòmans yo te anrejistre aprè Wall Street te reprann ni madi 9 out la anba gwo bès jounen lendi 8 mas la.

Bès nan tranzaksyon sou mache yo Ozetazini ak ann Ewòp vin mete fen nan yon bon jan relans yo te anrejistre yè madi a aprè gwo otorite nan Bank santral Lèzetazini an (Federal Reserve Bank la) te anonse yo pral kenbe to-denterè-yo nan nivo aktyèl la rive jous nan ane 2013.

Objektif desizyon sa a (kote to-denterè-yo twouve yo nan yon nivo ba moun pat janm wè anvan) se pou ede moun prete lajan, devlope biznis yo e kreye travay. Ekonomis Francis Lun direktè egzekitif konpayi Lyncean Holdings bay eksplikasyon sou remonte ki fèt nan kòmansman semèn nan sou machedlabous.

Misye Lun di : “Mwen panse moun-yo kòmanse repann sans yo, yo rekòmanse fikse atansyon yo sou machedlabous yo, kote yo jwenn afè ki gen bon jan valè. Paske, lè w gade jan sa ye nan Honk Kong, rapò ant pri ak benefis pou sèten tranzaksyon se 9 fwa lavalè. Se yon nivo nou pat wè depi plis pase 10 zan; kidonk, mwen panse envestisè yo ap chache bèl obèn e yo rekòmanse ap achte aksyon ankò.”

XS
SM
MD
LG