Accessibility links

L'OTAN Ogmante Kanpay Militè li a nan Libi

  • VOA Nouvèl

Yon mi nan Libi ki gen foto tout viktim fòs gouvènman Libyen an

L’Otan anonse l ap ogmante kanpay militè li a nan Libi pou 90 jou nan moman lidè libyen an, Mouammar Kadhafi, refize bay demisyon l malgre rebelyon popilè k ap toumante rejim li an.

Sekretè jeneral Oganizasyon Trete Atlantik Nò a, Anders Fogh Rasmussen, fè anons sa a jedi 1er jen 2011 la.

Li deklare desizyon an se pou voye yon mesaj klè bay rejim Kadhafi a pou di l presyon pou l rache manyòk li a pral rete “tenn-fas”. Misyon l’Otan nan Libi a, ki genyen ladan atak aeryen ak ranfòsman zòn entèdiksyon kote avyon pa gen dwa vole nan espas aeryen libyen an--- ta pral bout nan fen mwa jen an.

Pwolongasyon an vle di misyon an pral rapouswiv pou jouk mwa septanm.

XS
SM
MD
LG