Accessibility links

Breaking News

L’OTAN Fè Konnen Yo Jwenn Kadav Youn Nan 2 Maren Ameriken Ki Te Disparèt ann Afganistan


Nan Afganistan, responsab l’OTAN yo fè konnen yo jwenn kadav youn nan 2 maren ameriken ki te disparèt nan pati lès peyi a.

Daprè yon deklarasyon fòs kowalisyon l’OTAN an (ke Lèzetazini ap dirije) pibliye madi 27 jiyè 2010 la, yo jwenn kadav la aprè anpil rechèch ki te fèt san rete.

L’OTAN fè konnen rechèch sa yo pral kontinye jiskaske yo va jwenn lòt maren ki disparèt la.

Lòt nouvèl ki gen rapò ak lagè a nan Afganistan: Gouvènman ameriken- an fè konnen l ap lanse yon ankèt serye pou l konnen egzakteman kouman fè plizyè dizèn de milye dokiman sekrè sou 6 dènye ane lagè a nan Afganistan, fè fuit pou yo parèt an piblik –se pi gwo fay nan domèn sekirite a nan tout listwa lame amerikèn nan.

Pòtpawòl Pentagòn nan (kidonk, Depatman Defans Lèzetazini an) Geoff Morrell fè konnen Lame amerikèn pral fè tout sa k nesesè pou l konenn kilès ki responsab fuit sa a ki fè enfòmasyon sekrè yo ap sikile sou entènèt la.

Lendi 26 jiyè 2010, Julian Assange, fondatè Wiki-Leaks, jounal-an-ligne ki pibliye dokiman yo e ki te twouve l nan vil Lond, an Angletè, fè konnen li sispèk ke materyèl yo pale de krim de gè ki ta fèt nan Afganistan, men li di se yon tribinal sèlman ki va detèmine si vrèman krim konsa te fèt.

XS
SM
MD
LG