Accessibility links

Breaking News

Libi: Sanksyon Kominote Entènasyonal la Kont Lidè Peyi a


Manisfestan kontinye pwoteste kont gouvènman Muammar Gaddafi a nan Libi (27 fevriye 2011)

Responsab nan inyon ewopeyèn nan k ap rankontre lendi 28 fevriye 2011 la nan vil Brusèl, fè konnen blòk 27 nasyon an dakò pou yo enpoze yon seri sanksyon kont lidè libyen Muammar Gaddafi, yon fason pou ranfòse mezi konsèy sekirite L'ONU an adopte nan menm sans la semèn pase.

Responsab ewopeyen yo di pami sanksyon sa yo genyen yon anbargo zam ak jèl lajan e entèdiksyon sou viza pou mesye Gaddafi ak kolaboratè imedya li yo. Bo kote pa l Sekretè Deta Ameriken an Hillary Clinton deklare bay komisyon dwazimen an nan vil Jenèv ke lidè libyen an dwe pati kite pouvwa a imedyatman.

Li mande pou kominote entènasyonal la travay ansanm sou pwochen etap yo dwe adopte sou Libi, e ke Washington mentni plizyè opsyon ouvè pou ede mete fen nan operasyon sere boulon gouvènman an lanse kont manifestan yo.

XS
SM
MD
LG