Accessibility links

Libi: Konseye Militè Britanik Pral Ede Rebèl yo

  • J. Lyonel Desmarattes

Sekretè afè etranje britanik la William Hague (foto achiv)

La Grand’ Bretay ap voye yon ekip konseye militè nan Libi pou ede fòs rebèl yo ki anba atak twoup gouvènmantal yo.

Sekretè afè etranje peyi a, William Hague, --ki t ap abòde dosye a madi 19 avril 2011 la-- fè konnen yon ekip k ap gen ladan yon douzèn konseye militè eksperimante, pral ede rebèl yo travay sou domèn òganziasyon, lojistik avèk kominikasyon.

Chèf diplomasi britanik la kontinye pou l di konsye yo pap patisipe nan goumen, ni non plis tou yo pa pral antrene ni amé opozisyon an.

Li ajoute ekip la pral ranfòse travay diplomat britanik ki twouve yo deja nan vil Banghazi, kote rebèl yo geyen baz prensipal yo.

XS
SM
MD
LG