Accessibility links

Libi: Konbatan Gouvènman Pwovizwa a Rasanble Sòlda yo tou prè Vil Bani Walid pou yon Dènye Konba

  • VOA Nouvèl

Libi: Konbatan Gouvènman Pwovizwa a Rasanble Sòlda yo tou prè Vil Bani Walid pou yon Dènye Konba

Konbatan gouvènman pwovizwa a nan Libi rasanble sòlda yo pa bann e pa pakèt pou yon atak sou vil Bani Walid, youn nan dènye gwo basyon lidè dechouke a, Kolonèl Mohammar Kadhafi, aprè echèk negosyasyon ki t ap fèt pou pran tèt patizan ansyen rejim nan ki nan vil sa a e fè yo rann tèt yo.

Youn nan negosyatè Konsèy Nasyonal Tranzisyon an, Abdula Kanshil, pale dimanch 4 septanm 2011 la pou l di negosyasyon yo echwe lè yon seri de ansyen ki se lidè tribi e patizan Kadhafi te rejte òf konsèy la te fè pou yo kite pwovizyon medikal antre nan Bani Walid, a kondisyon pou konbatan gouvènman pwovizwa a ta antre nan vil la an menm tan.

Kan pwo-Kadhafi a poko fè pyès deklarasyon sou kesyon an. Daprè nouvèl yo, Bani Walid –ki twouve l sou yon distans 170 kilomèt a lès Tripoli – manke anbilans, doktè ak divès kalte bagay moun bezwen pou yo viv, tankou dlo ak manje.

XS
SM
MD
LG