Accessibility links

Breaking News

45èm "Jounen pou Lavi a" Dewoule Washington Vandredi 19 Janvye

  • Ekip Sèvis Kreyòl VOA

2 pannkat kòt-a-kòt: Youn "Pro-Life Generation" ou pou lavi (adwat), e lòt la pou avòtman (Keep Abortion Safe and Legal) ou dwa pou fanm gen libète chwazi.

Prezidan ameriken an, Donald Trump, pran lapawòl vandredi 19 janvye 2018 la devan yon foul ki te reyini nan okazyon 45èm "Mach pou Lavi a" nan Washington -se yon konsantrasyon ki fèt chak ane kote patisipan yo denonse operasyon medikal ki rele avòtman ou dilatasyon. Misye Trump deklare administrasyon li a "pral toujou defann premye-premye dwa ki ekri nan Deklarasyon Endepandans Lèzetazini an, sa vle di dwa yon moun genyen pou l viv."

Misye Trump fè deklarasyon sa a nan yon diskou sou vedeo yo te anrejistre nan Jaden Woz La Mezon Blanch la kote li te genyen alantou li yon foul ki t ap patisipe nan evennman ki make jounen sa a kote militan pwoteste kont avòtman. Lidè ameriken an ajoute: " Avni Lèzetazini pral ranpli ak bonte, ak lapè, lajwa, diyite ak lavi pou chak pitit Bondye."

Prezidan Donald Trump ki tap pale ak foul ki tap participe nan 45èm Mach anyèl pou Lav nan Jaden Woz La Mezon Blanch la nan Washington, 19 janvye 2018 la.
Prezidan Donald Trump ki tap pale ak foul ki tap participe nan 45èm Mach anyèl pou Lav nan Jaden Woz La Mezon Blanch la nan Washington, 19 janvye 2018 la.

Anvan sa Prezidan Trump le pwoklame 19 janvye a: "Jounen Nasyonal pou Sanntifye Lavi." Nan menm jounen vandredi a La Mezon Blanch pibliye yon deklarasyon kote li di Depatman Sante Piblik Lèzetazini an ap vini ak yon pwopozisyon pou lajan Leta federal sispann al jwenn gwoup kap aplike "politik ou pratik diskriminatwa"; pou pwoteje sitwayen ameriken ki gen konviksyon ak kwayans relijyez ou moral ki oblije yo resevwa ou refize "sèten sèvis medikal"; e ki rekonèt pa ta dwe gen diskriminasyon kont yon moun poutèt kwayans relijyez ou moral li,lè lap resevwa sèvis medikal sa yo.

Sepandan deklarasyon La Mezon Blanch la pa defini sa li konsidere kòm "politik ou pratik diskriminatwa" ni sa li rele "sèten sèvis medikal."

XS
SM
MD
LG