Accessibility links

Larusi Pa Dispoze Apiye yon Nouvo Rezolisyon L'ONU Pran Konsènan Libi

  • Serge Rodriguez

Larusi Pa Dispoze Apiye yon Nouvo Rezolisyon L'ONU Pran Konsènan Libi

Larusi fè konnen li pa dispoze apiye yon nouvo rezolisyon konsèy sekirite L'ONU an adopte kont gouvènman libyen an, paske sa kapab entansifye konfli a nan nasyon Afrik Dinò a.

Ajans nouvèl russ Interfax, k ap site minis afè etranjè Sergei Lavrov, di Moskou pa an mezi pou l apiye okenn rezolisyon k ap debouche sou entansifikasyon yon gè sivil wè pa wè, e menm yon entèvansyon etranjè.

Mwa pase a, Larusi pat vote nonplis tou sou mezu konsèy sekirite L'ONU an te pase ki otorize itilizasyon lafòs pou pwoteje popilasyon sivil Libi a, kote yo mete sou pye yon zonn kote avyon pa kapab vole nan nasyon afrik dinò a.

Lendi 25 avril 2011 la, televizyon leta peyi a te fè konnen avyon konba Lotan lage bonm sou sib sivil e militè nan Tripoli ak nan zonn Bir Al Ghanam, yon bouk ki twouve l sou yon distans 100 kilomèt o sidwès kapital libyèn nan.

XS
SM
MD
LG