Kore di Sid fè konnen li pral fè plis egzèsis militè sou yon zile ki tou prè kòt Kore di Nò, e se va menm kalte egzèsis ki te lakoz lamé Kore di Nò lanse yon atak ak gwo zam lou sou Kore di Sid mwa pase a ---atak ki te koze lanmò 4 moun : 2 sòlda ak 2 sivil.
Daprè sa otorite militè sid koreyen yo deklare jedi 16 desanm 2010 la, egzèsis sa yo kapab kòmanse depi samdi k ap vini la a ; men vrè dat la pral depann de sitiyasyon tan an.
Anons sa a parèt nan moman gen anpil mouvman diplomatik ki sou pye pou eseye bese tansyon an ant 2 Kore yo --pami mouvman sa yo genyen yon vizit òm politik ameriken Bill Richardson ap fè nan Pyongyang, kapital Kore di Nò.