Accessibility links

Breaking News

Lachin Anonse yon Gwo Ogmantasyon Tarif sou Pwodui Ameriken


Prezidan ameriken an Donald Trump (agoch) ki t ap bay lanmen avèk prezidan chinwa a, Xi Jinping, nan Somè G-20- an, nan Osaka, Japon, 29 jen 200119. (Foto Dosye: (AP Photo/Susan Walsh).

Nan Peken, otorite chinwa yo anonse yo pral ogmante tarif yo (swa dwa de dwàn) sou machandiz ameriken k ap antre nan peyi yo e ki koute chak ane 75 MILYA dola. Pou sa ki konsènen enpòtasyon otomobil ameriken, ogmantasyon an ap monte rive 25 pousan. Se yon fason pou Lachin reponn kif-kif desizyon prezidan ameriken an, Donald Trump, pran pou l mete 25 pousan ogmantasyon frè ladwàn sou pwodui chinwa k ap antre Ozetazini apati de premye septanm pwochen.

Pri aksyon yo sou mache de la bous ameriken an bese a-pik vandredi aprè Lachin te fin fè anons la. Repons Peken an vin agrave plis toujou lagè komèsyal k ap dewoule ant 2 pi gwo puisans ekonomik mondyal yo.

Dola ameriken an fas "Yuan" chinwa a.
Dola ameriken an fas "Yuan" chinwa a.

Nan yon nòt Prezidan Donald Trump pibliye sou kont Twitter li nan menm jounen vandredi a, li joure Lachin byen joure e li anonse apre-midi a pa p pase san l pa bay chinwa yo monnen pyès yo; sa vle di l ap ba yo yon repons apwopriye. Lidè ameriken an deklare:

"Tankou yon enbesil, peyi nou an te pèdi plizyè milya dola pandan dè zane nan komès avèk Lachin. Yo vòlè pwopriyete entèlektyèl nou yon fason ki te pèmèt yo fè plizyè santèn milya dola pwofi sou nou; e yo te renmen kontinye eksplwatasyon sa a. Ebyen, mwen pa p kite sa rive. Franchman, nou pa bezwen Lachin; afè nou ta pi bon lontan si nou pa t annafè avèk Lachin."

Direktè bank santral Lèzetazini an (Federal Reserve Bank), Jerome Powell, genyen pou l pwononse yon diskou nan Eta Wyoming; anpil moun pare pou yo swiv diskou sa pou yo konnen si Misye Powel pral anonse posiblite pou responsab yo redui plis toujou to denterè yo Ozetazini.

Daprè kèk analis, lagè komèsyal k ap dewoule ant Washington ak Peken an kapab pwovoke yon resesyon Ozetazini.

XS
SM
MD
LG