Accessibility links

Breaking News

La Jistis Florid di 6 Manm Delegasyon Olenpik Espesyal Ayiti a Disparèt


Missing Adult

Dapre Biwo Sharif Awondisman Osceola a nan Florid, kèk manm delegasyon Jezolenpik Espesyal Ayiti ki tap patisipe nan Je ane 2022 yo Ozetazini disparèt. Je sa yo komanse Dimanch 5 Jyen e yap fini 12 Jyen.

"Nou an kominikasyon ak Walt Disney World, Olenpik Espesyal ak patnè nou nan domèn lajistis lokal ak Federal. Pou kounyea nou kwè se yon ka izole e nou pa kwè se yon zak kriminèl," biwo Sharif la deklare sou kont ofisyèl Facebook li.

Missing Adult
Missing Adult

Dapre mesaj Sharif la, Antoine Joseph Mithon, Nicholson Fontilus, Peter Mianovich Bertus, Anderson Petit-Frere, Steevenson Jaquet ak Oriol Jean te vwayaje soti Ayiti pou vinn Ozetazini pou patisipe nan yon konpetisyon foutbol. Sharif la di dènye fwa moun te wè yo sete nan Kissimmee, Florid 6 Jyen vè 2h30 nan apremidi.

"Yo remèt kle chanm yo, epi yo kite malèt yo ak efè pèsonèl yo dèyè," li ajoute.

Sharif la mande nempot ki moun ki ta gen enfomasyon sou koze a kontakte biwo a.

XS
SM
MD
LG