Yon bato k ap transpòte yon kab optik e ki sòti nan peyi Venezuela rive Kuba pou l amelyore sèvis entènèt nan peyi karayib sa a.
Otorite yo nan La Avàn ap òganize yon seremoni ofisyèl pou yo montre kijan yo apresye enstalasyon kab optik sa a ki genyen yon longè mil 600 kilomèt e ki lye Kuba ak pati nò Venezuela.
Li pral kòmanse opere an jiyè 2011. Otorite kuben yo di kab optik sa a pral pèmèt moun tele-chaje dokiman sou entènèt la yon fason k ap 3 mil fwa pi rapid ke jan sa ye jounen jodiya nan Kiba.