Accessibility links

Kout-Je sou Zèv Atis Endyen-Ameriken Modèn yo

  • Jean Robert Philippe

Sa pa gen lontan Mize Nasyonal Endyen-Ameriken an, ki baze nan Washington, te òganize yon ekspozisyon zèv atis endyen kontanporen yo pou montre talan atis endyen modèn. Misyon Mize Nasyonal Endyen-Ameriken an se fè pwomosyon nan emisfè oksidantal la pou istwa ak kilti pèp endijèn natif/natal Lèzetazini an.

Rebecca Trautmann, konsèvatè Mize Nasyonal Endyen-Ameriken an, di objektif 31 tablo ki te fè pati ekspozisyon an sete chanje opinyon moun genyen sou kilti ak lart endijèn ameriken yo.

Nan tablo yo, atis yo montre peyizaj rezèv endyen yo nan eta Oregon, pa ekzanp- pa sèlman aparans vizib peyizaj la, men tou fòs lanati, fòs jewoloji ak meteroloji ki fè pati peyizaj la. Atis Pablo Tac, bò kote pa l, eksplore enpòtans relijyon kretyèn nan genyen sou endijèn ameriken yo nan yon tablo li rele « Chapèl » kote ou wè kretyen k ap onore Gran Mèt la yon fason ki pa koresponn ak tradisyon amer-endyen yo.

Atis la orann omaj tou pou yon manm yon tribi endyen-ameriken li ki te etidye lang nan vil Wòm sa gen prèske 200 zan- e ki te pèmèt endyen Pooyukitchum envante yon alfabè pou lang yo. Atis Pablo Tac plase nan yon lòt nivo kilti amer-endyen kap viv nan Eta Kalifòni yo, ki, an majorite, te pratike lachas pou yo viv.

XS
SM
MD
LG