Accessibility links

Breaking News

Kore di Nò ap Pwodui Iranyòm Anrichi - Reyaksyon


Kim Sung-hwan ak anvwaye espesyal Lèzetazini Stephen Bosworth

Yon ekip diplomat ameriken pran direksyon peyi Japon kote yo pral abòde ak otorite yo kék revelasyon enpòtan e etonan ki fèk fèt sou pwogram nikleyè Kore di Nò a.

Daprè revelasyon sa yo, Kore di Nò ta rekòmanse kontwi an sekrè entalasyon kote l ap pwodui iranyòm anrichi.

Chèf delegasyon a, Stivenn Bosworth –ki pale sou dosye a byen bonè lendi 22 novanm 2010 la pandan li te nan Kore di Sid-- fè konnen li desi anpil poutèt sa li konsidere kòm “kèk mouvman pwovokatè Kore di Nò fè.”

Li kontinye pou l di: "Se klèman yon vyolasyon Rezolusyon 18-74 Konsèy Sekirite l’ONU an; se yon vyolasyon angajman Kore di Nò te pran nan kad deklarasyon konjwen ki te sòti an septanm 2005 la; e se yon vyolasyon lòt angajman Nò koreyen yo te pran avèk nou e avèk lòt patè ki nan gwoup 6 peyi kap negosyasyon sou pwogram nikleyè nò koreyen an."

Sepandan, daprè misye Bosworth, gen lontan deja depi Lèzetazini o kouran anbisyon nikleyè Pyongyang genyen yo, e sitiyasyon sa a pa reprezante yon kriz.

XS
SM
MD
LG