Accessibility links

Breaking News

Konferans Sou Chanjman Klimatik ap Dewoule Nan Meksik


Delege plis pase 200 peyi reyini pou 2 semèn nan peyi Meksik , pi presizeman nan yon sant touristik nan vil Cancun nan kad konferans Nasyonzini sou chanjman klimatik la.

Prezidan meksiken an Felipe Calderon ouvri konferans la ak yon apè l li lanse bay negosyatè yo pou mete sou kote enterè nasyonal yo, e travay ansanm.

Prezidan Calderon te tou pwofite siyale chanjman klimatik la deja tounen yon reyalite nan Meksik e nan anpil lòt peyi.

Konferans Cancun nan vize mete negosyasyon yo sou bon wout apre echèk somè Copenhag la ki pat reusi mete sou pye yon trete legal.

Negosyatè yo vize tou pou konble gwo vid ki egziste ant peyi pòv ak peyi rich nan lit kont chanjman klimatik la.

Patisipan yo pral chèche antann yo pou ralanti chanjman klimatik la tankou Pwotokòl Kyoto a kap bout an 2012 te mande pou limite « gaz à effet de serre », nou vle di gaz kap rechofe planèt la .

Lòt gwo objectif la se pwolonje Pwotokòl Kyoto a , men nan Meksik , delege yo ap limite nan sa yap gen pou yo reyalize .

XS
SM
MD
LG