Accessibility links

Ayiti - Tranblemanntè: 1 An Aprè

  • Jacques Jean-Baptiste

Ayiti - Tranblemanntè: 1 An Aprè
  • Ayiti komemore 12 janvye 2010 la premye anivèsè tranblemanntè a—youn nan pi move katastwòf natirèl ki frape li e ki pran lavi plis pase 250 mil ayisyen, blese prèske 2 fwa kantite sa a e kite plis pase 1 milyon 500 mil lòt moun san kay pou yo rete.
  • Depi evènman trajik sa a, Kominote entènasyonal la, an patikilye Lèzetazini ak patnè li yo, pote-kole ak otorite ayisyen yo pou ede loje, nouri e asiste sivivan ka p viv nan diferan kan yo kreye nan kapital la, Pòtoprens, ak nan rejyon alantou yo, san bliye nan lòt depatman katastwòf la afekte yo.
  • Pou make evènman sa a, Sèvis Kreyòl Lavwadlamerik la, k ap pote nouvèl bay pèp ayisyen an depi 7 fevriye 1986, louvri mikwo li ankò bay reskape yo (tankou li fè l chak mèkredi midi edmi an nan pwogram Lib Tribin Dyaloge ak Etazini) ak yon ekip li genyen sou teren an pou okazyon an.
  • Pandan retransmisyon sa yo, Ronald César ak Lyonel Desmarattes mande sivivan yo rakonte istwa yo, lavi ak peripesi yo depi prèske 1 an yo pase nan kan yo, men tou di espwa yo pou ane k ap vini yo.
  • Kolaboratè nou yo pale tou ak responsab nan gouvènman ayisyen an e ak reprezantan kominote entènasyonal la k ap pote-kole ak peyi Dayiti pou ede nasyon karibeyen an rekanpe sou pye l.
  • Nan okazyon sa a, nou envite w gade yon videyo espesyal gwoup Sèvis Kreyòl Lavwadlamerik la prepare pou komemore 1er anivèsè tranblemanntè 12 janvye 2010 la. Nou espere ou va ekri Lavwadlamerik pou di nou sa ou panse sou inisyativ sa a.
  • Klike sou videyo ki anba atik sa a pou w gade yon montaj klip Lavwadlamerik reyalize nan okazyon 1er anivèsè tranblemanntè 12 janvye 2010 la.

XS
SM
MD
LG