Kò Gwoup la ki gen ladan reprezantan Nasyon Zini, Anbasadè Kanada, Etazini, reprezantan l’OEA ak lòt peyi kwè vrè solisyon ak kriz politik la se yon dyalòg ant tout sektè dapre ansyèn senatris Edmonde Supplice Beauzile ki tap patisipe nan yon rankont ak peyi zanmi Ayiti yo sou kriz politik la.
Ansyèn kandida alaprezidans pati FUSION an di li pa kwè nan volonte Prezidan Jovenel Moïse pou fè yon dwalòg fran ant tout sektè. Yon lòt kote, Kò Gwoup la deplore sitiyasyon vyolans nan peyi a ki vin rann li difisil pou avanse ak sipò kowoperasyon yo.
Sepandan Madam Beauzile kwè Kò Gwoup la pa chanje pozisyon paske se konsa li te toujou wè kriz politik la.
Klike sou video a pou w tande yon entèvyou Madam Beauzile bay Lavwadlamerik nan mikwo Ronald Cesar.
Yon lòt patisipan nan rankot ak Kò Gwoup la se ansyen Premye Minis Evans Paul ki li menm kwè solisyon ak kriz la dwe pase atravè yon koabitasyon ant opozisyon an ak pouvwa Jovenel Moïse la.
Klike sou lyen odyo a pou w tande deklarasyon ansyen premye Minis Evans Paul nan mikwo Ronald Cesar.
