Accessibility links

Breaking News

Akò Istorik ant Lidè 2 Kore yo: Yo Vle Genyen Yon Preskil san Zam, Menas ni Lagè Nikleyè


Prezidan Kore di Sid la, Moon Jae-In (agoch) ak lidè Kore di Nò a, Kim Jong Un (adwat) ki te bay lanmen nan fen 2èm jounen yon somè 3 jou nan Pyongyang, kapital Kore di Nò.

Kore di Nò fè konnen li pral demonte pi gwo konplèks nikleyè li genyen nan rejyon Yongbyon nan si Lèzetazini pran dispozisyon ki apwopriye yo nan kad aplikasyon yon akò global lidè 2 Kore yo rive jwenn mèkredi 19 septanm 2018 la nan yon somè 3 jou y ap fè nan Pyongyang, kapital Kore di Nò.

Se lidè nò-koreyen an, Kim Jong Un, avèk prezidan Kore di Sid la, Moon Jae-In, ki fè anons la pandan yo t ap mete fen nan 2èm jounen negosyasyon y ap fè avèk 2 objektif prensipal: 1. Chache tabli yon plan ki pou debouche sou denikleyarizasyon preskil Kore a; 2. Jwenn yon mach a swiv pou yo bese tansyon militè ki pa sispann monte ant 2 peyi ennmi yo.

Dirijan Nò-koreyen an, Jim Jong Un, deklare akò sa a genyen enplikasyon vreman istorik. Misye Kim di :

"Nou siyen yon akò militè pou n mete fen nan yon istwa ki fèt ak konfi, ak hinghang e ki egziste depi plizyè dizèn dane. An menm tan tou nou pran angajman pou nou fè Preskil Kore a tounen yon tèritwa lapè, san zam nikleyè ni menas nikleyè."

Lidè 2 Kore yo (Kim Jong Un, Kore di Nò, adwat;- Moon Jae-in, Kore di Sid, agoch), montre pachemen ki gen sou yo "akò istorik" yo siyen nan Pyongyang mèkredi 18 septanm 2018 la.
Lidè 2 Kore yo (Kim Jong Un, Kore di Nò, adwat;- Moon Jae-in, Kore di Sid, agoch), montre pachemen ki gen sou yo "akò istorik" yo siyen nan Pyongyang mèkredi 18 septanm 2018 la.

Anvan dirijan 2 Kore yo te fè anons la, yo te asiste yon seremoni kote kòmandan an chèf lame chak nan 2 peyi yo te siyen yon akò kote yo pwomèt pou yo redui tansyon ki egziste nan zòn fwontyè yo. Ansuit sete tou pa Prezidan Moon pou l eksprime opinyon li sou sa li konsidere kòm "yon jounen istorik pou 2 peyi yo. Prezidan Moon deklare:

“Sitwayen Kore di Nò ak Kore di Sid,

Jodi a yon Preskil Kore san lagè fèk kòmanse. Jodia Kore di Sid ak Kore di Nò antann yo pou yo elimine tout menas ki ta kapab pwovoke lagè e ki egziste sou preskil nou an. Nou antann nou tou pou nou fòme yon komisyon militè tèt-ansanm ki pral òganize regilyèman chita-koze pou nou prepare epi siyen yon akò militè."

An plis de tou sa, 2 Kore yo gen plan kounye a pou yo mete ansanm pou yo chache restan-kadav sòlda yo ki te pèdi lavi yo nan lagè Kore a ant 1950 e 1953. Anfen Prezidan Moon di lidè nò-koreyen an, Kim Jong Un, aksepte yon envitasyon pou l al fè yon visit nan Sewoul, kapital Kore di Sid, anvan fen ane 2018 la.

XS
SM
MD
LG