Accessibility links

Kilès K ap Pwochen Anbasadè Ameriken nan Venezuela?

  • Coralie Saint-Louis

Larry Palmer

Administrasyon Prezidan Barack Obama a di yo pap fè bak sou chwa diplomat Larry Palmer kòm nouvo anbasadè ameriken nan Venezuela, malgre lidè peyi sa a, Prezidan Hugo Chavez, rejte chwa a.

Pòtpawòl Depatman Ameriken P. J Crowley deklare mèkredi 5 Janvye 2011 la, Misye Palmer gen bon jan kalifikasyon pou l dirije misyon diplomatik Lèzetazini an nan Karakas e li reprezante yon entèlokitè efikas pou amelyore relasyon ant 2 peyi yo.

Mesye Crowley ajoute Washington deside kite pòs la vid nèt olye pou l ta kite premye chwa l la tonbe. Prezidan Chavez lanse lide pou Lèzetazini ta chwazi pami yon pakèt pèsonalite pou ranplase Larry Palmer –pami yo genyen ansyen Prezidan Bill Clinton, aktè sinema Sean Penn, sineyas Oliver Stone ak filozòf gochis Noam Chomsky. Washington rejte pwopozisyon sa a.

XS
SM
MD
LG