Accessibility links

Tanpèt Isaac Touye 3 Moun Pou pi piti E Pwovoke Inondasyon nan Peyi Dayiti

  • Jacques Jean-Baptiste

Foto Tanpèt Isaac yon satelit La NASA pran vandredi pandan li t ap vanse nan direksyon zile Ispaniola, yon zile Repiblik Dominkèn ak Ayiti pataje
Tanpèt Twopikal ISAAC pran direksyon peyi Kiba apre li finn pase sou peyi Dayiti nan nuit vandredi pou louvri samdi 25 dawout la.
Otorite ayisyen yo anonse tanpèt-la pran lavi 3 moun pou pi piti (ofisyèlman 2 selon responsab pwoteksyon sivil yo) e li kraze kèk kay, jete poto elektrik ak pye bwa e pwovoke inondasyon.

Sekouris biwo pwoteksyon sivil la ap eseye drese yon bilan dega li fè atravè peyi a ki toujou genyen plizyè santèn milye moun k ap viv anba tan nan kan moun tranblemanntè janvye 2010 la deplase.
Nan kapital ayisyèn an, prezidan Michel Martelly (ki anile yon vizit li ta pral fè lendi k ap vinn la a nan peyi Japon) pran lapawòl pou’l remèsye tout moun ki te travay pou minimize enpak Isaac sou popilasyon an e l' pwofite tou bat bravo pou aksyon gouvènman premye minis Laurent Lamothe ak li ap dirije a.
XS
SM
MD
LG