Accessibility links

Breaking News

Lidè Inyon Ewòp la Pa Ka Atann yo Sou yon Plan Dèd Ekonomik pou Peyi ki Viktim KOVID-19 sou Kontinan an


Yon apèsi ki montre lidè Inyon Ewòp la ki te reyini nan Briksèl, nan Bèljik, vandredi 17 jiyè a, pou yo prepare yon gwo plan asistans pou peyi sou kontinan an ke KOVID-19 frape sevèman. (Foto: FRANCOIS LENOIR / POOL / AFP).

Daprè Nouvèl ki sòti nan vil Briksèl, Peyi Bèljik, lidè peyi manm Inyon Ewòp la inigire, nan jounen vandredi 17 jiyè 2020 an, premye somè fasafas yo depi pandemi kowonavriris la te kòmanse; sepandan rankont sa a pa sanble li pral mete fen nan mezantant ki egziste antre yo sou yon plan yo vle adopte pou yo relanse ekonomi blòk la ki sibi gwo dega anba KOVID-19 la.

Chanselye Almay la, Angela Merkel fete 66èm anivèsè li nan jounen kote li-menm avèk 26 kolèg li retounen nan Briksèl non pa pou li selebre, men pito pou l chache konnen si prezans fizik dirijan yo nan yon negosyasyon kapab pèmèt yo antann yo pi fasilman sou yon plan oto-asistans global 750 milya ewo olye de yon rankont pa video-konferans.

Kowonaviris la plonje Inyon Ewòp la apik nan yon lanmè kriz ekonomik istorik e otorite yo ap prepare yon gwo kokenn plan ankourajman ekonomik pou ede eta-manm yo jwenn ekipman sovtaj ki ka pèmèt yo naje pou yo sòti nan fon lanmè sa a.

Chancelye Almay la, Angela Merkel, agoch, k ap pale avèk Premye Minis Bilgari a, Boyko Borissov, pandan yon rankont nan somè Inyon Ewòp la nan Briksèl, Lasuis, vandredi 17 jiyè 2020 an.
Chancelye Almay la, Angela Merkel, agoch, k ap pale avèk Premye Minis Bilgari a, Boyko Borissov, pandan yon rankont nan somè Inyon Ewòp la nan Briksèl, Lasuis, vandredi 17 jiyè 2020 an.

Sepandan yon ekip peyi nòdik, ki gen kòm kaptenn premye minis olandè a, Mark Rutte, ap chache bloke efò k ap fèt pou mete gwo sòm lajan aladispozisyon peyi vwazen ki nan pati sid kontinan an si Komisyon Ekonomil Ewòp la, ki gen katye-jeneral li nan Briksèl, pa poze kèk kondisyon byen strik, byen dyanm, sou fason peyi sa yo depanse e rèmèt kòb la.

Obsèvatè yo prevwa negosyasyon ki kòmanse vandredi yo pral dire jous samdi oubyen menm dimanch; men pa gen anpil nan obseateu sa yo ki plase konfyans yo nan yon bon rezilta yo ta konside kòm yon gwo evennman ki ka fè gran tit nouvèl, malgre yon seri de aktivite sere-sere negosyatè yo genyen sou ajanda yo. Yo menm prevwa lidè ewopeyen yo pral genyen pou yo òganize yon lòt somè pi ta nan mwa jiyè a. Nouvèl ki parèt byen ta nan jounen vandredi a fe konnen deba yo bloke sou kesyon pou konnen ki peyi ki dwe ofri pi gwo kontribisyon pou prepare plan èd ekonomik la epi ki peyi ki dwe resevwa asistans ki pi gwo a.

XS
SM
MD
LG