Accessibility links

Inondasyon Nan Peyi Ostrali

  • Coralie Saint-Louis

Inondasyon Nan Peyi Ostrali

Nan Ostrali, yon flèv ki plen dlo depase limit e kite kouran li nan pati nòdès peyi a --pi presizeman nan vil Rockhampton-- gen pou l rive nan pi wo nivo li mèkredi 5 janvye 2011 la; sepandan, espesyalis meteyo yo fè konnen rejyon an kapab resevwa plis lapli pi ta nan semèn nan.

Flèv n ap pale a, Flèv Fitzroy, genyen pou l monte rive yon wotè 9 mèt 4 santimèt an plis nivo nòmal li, e lap pase plizyè jou nan yon nivo kote lap kontinye pwovoke inondasyon. Sitiyasyon sa a deja bloke aktivite transpò pa avyon e pa tren ki ale ou k ap sòti nan vil Rockhampton kote 75 mil moun abite. Moun ki t ap viv nan 500 kay oblije kouri kite kay sa yo e otorite yo lanse avètisan pou di inondasyon yo kapab transpòte koulèv ak kwokodil ki kapab touye moun.

XS
SM
MD
LG