Accessibility links

Breaking News

Plizyè Eta Ozetazini Kreye yon Fon Legal pou Defann Imigran Kap Fè Fas ak Depòtasyon


U.S. Immigration and Customs Enforcement agents arrest an immigrant in San Clemente, Calif., May 11, 2017.
Isit ozetazini, pandan ke gouvènman federal la ap fè efò pou l mete an detansyon e depòte imigran ki san dokiman legal, kèk eta ak vil ameriken kreye yon fon legal pou defann kalte imigran sa yo; sa louvre yon nouvo fwon nan konfli konsènan imigrasyon an. Se sa nou pral devlope avèk avoka imigrasyon Larry Fleuranti nan Justice-USA sou Lavwadlamerik isit Washington.
Anviwon 13 kominote Ozetazini kreye yon rezo ki rele Safe Cities Network, oubyen rezo vil ki sur yo, pou bay reprezantasyon legal pou defann dwa imigran kap fè-fas ak depòtasyon. Pami vil ki ofri defans legal pou imigran san dokiman yo, genyen New York, Baltimore nan eta Maryland elatriye.
Kesyon: Mèt Larry Fleurantin, ou se avoka imigrasyon nan eta Florid, ede oditè Lavwadlamerik yo konprann diferans sa fè lè yon imigran Ozetazini ki an detasyon oubyen ki sou depòtasyon pa genyen yon avoka pou defann ni nan tribunal?
Repons: Gen ekspè an dwa ki di nan sistèm jistis penal Etazini an, si yon akize pa an mezi pou l peye yon avoka pou defann ni nan tribunal, leta ap ba li say o rele yon public defender, donk yon avoka gratis. Men, nan tribunal imigrasyon, si yon imigran yap depòte pa gen lajan pou l pran yon avoka, yo pap ba li avoka gratis. Ou ka eksplike sa?
Donk, imigran san dokiman ozetazini kap fè-fas ak detansyon ou depòtasyon, e ki pa kapab peye yon avoka, dwe chèche pran kontak ak youn nan biwo ki defann moun gratis pou ede yo nan tribinal.


Klike sou lyen odyo a pou w tande Avoka imigrasyon Larry Fleurantin nan eta Florid ki tap ede oditè yo konprann diferans sa fè pou yon imigran ki an detansyon ou kap fè-fas ak depòtasyon gen yon avoka pou defann ni nan tribinal imigrasyon.

please wait

No media source currently available

0:00 0:06:23 0:00


Lyen pou paj wèb Safe Cities Network la:

https://www.vera.org/projects/safe-cities-network
XS
SM
MD
LG